18-гадовая жыхарка Савецкага раёна Мінска стала ахвярай кібераферыстаў. Як патлумачыла ў міліцыі дзяўчына, у папулярнай сацсетцы яна ўбачыла рэкламу аб бясплатнай устаноўцы вядомай мабільнай гульні. Яна звязалася з аўтарам аб’явы, які даў для гэтага падрабязныя інструкцыі.

«Па ўказцы суразмоўцы заяўніца ўвайшла ў чужы ўліковы запіс ICloud, у якім нібыта павінен быў быць установачны файл. Пасля гэтага мінчанка страціла доступ да свайго акаўнта, а за яго аднаўленне аферысты запатрабавалі перавесці на рахунак больш за 300 бел. руб.», — расказалі ў ГУУС. Дзяўчына зразумела, што яе падманулі і звярнулася ў міліцыю. 

Заведзена крымінальная справа за вымаганне.

«Не ўводзьце на сваім смартфоне даныя чужога Apple ID або iCloud і не спампоўвайце дадаткі, якіх няма ў афіцыйным магазіне», — нагадалі ў міліцыі.