У Ленінскі РАУС Брэста звярнулася 61-гадовая мясцовая жыхарка, якая паведаміла, што нібыта яе знаёмы просіць грошы ў доўг. Праваахоўнікамі ўстаноўлена, што ў адной з сацыяльных сетак заяўніца вяла дыялог з прыяцелем, аднак грашовых пытанняў паміж імі не ўзнікала. Калі яна ўбачыла паведамленне з просьбай даць у доўг BYN 2 тысячы, то засумнявалася і патэлефанавала мужчыну.

Як высветлілася, 55-гадоваму сябру жанчыны ў месенджары прыйшло паведамленне ад невядомага з просьбай прагаласаваць у адным з конкурсаў за выступленне дачкі. Па душэўнай дабрыні і неабыякавасці грамадзянін перайшоў па прымацаванай спасылцы і аўтарызаваў свой рахунак на іншым сайце. Гэта дазволіла зламыснікам атрымаць доступ да старонкі мужчыны, з якой у далейшым і адбывалася рассыланне лістоў.

На гэты момант следчымі заведзена крымінальная справа па ч. 1 арт. 209 КК.