Конкурс праводзіцца сярод выпускных кваліфікацыйных работ магістраў і бакалаўраў вышэйшых духоўных і свецкіх навучальных устаноў Беларусі. Змест даследаванняў, якія падаюцца,  павінен раскрываць розныя аспекты праваслаўнай традыцыі ў багаслоўскай, культуралагічнай, гістарычнай, літаратурнай, мастацтвазнаўчай і іншых сферах.

Конкурс праводзіцца па некалькіх кірунках: «багаслоўскія навукі», «гуманітарныя навукі», «мастацтва». Удзельнічаць у ім могуць самастойна выкананыя выпускныя кваліфікацыйныя работы бакалаўраў і магістраў вышэйшых навучальных устаноў, якія абаранілі выпускную кваліфікацыйную работу ў бягучым годзе. 

Пераможцу конкурсу прысвойваецца званне лаўрэата. Лепшыя работы таксама могуць быць аднесены да першай і другой катэгорый.

Заяўкі на ўдзел прымаюцца да 20 лістапада 2025 года. Дакументы накіроўваюцца ў Аргкамітэт конкурсу на прысуджэнне прэміі імя мітрапаліта Філарэта (Вахрамеева) на электронную пошту premiya-mf@mail.ru.