Амаль усе атрымальнікі (82 %) прайшлі папярэдняе навучанне асновам прадпрымальніцтва. Амаль палова новых бізнесаў запушчана жанчынамі. Яны адкрываюць салоны прыгажосці, швейныя майстэрні і аграсядзібы.

Амаль кожны чацвёрты новы прадпрымальнік (23 %) — жыхар сельскай мясцовасці.

Найбольш папулярнымі кірункамі для старту бізнесу сталі аказанне розных паслуг (рамонт, лагістыка, таксі, б'юці-сфера) і рознічны гандаль.

Найбольшая колькасць субсідый была выдадзена ў рэгіёнах: лідарамі сталі Мінская, Гомельская і Магілёўская вобласці.

У профільным міністэрстве назвалі ўмовы для атрымання падтрымкі.

• Па-першае, трэба быць афіцыйна зарэгістраваным у якасці беспрацоўнага. Гэты статус прысвойваецца пры звароце ў дзяржаўную службу занятасці. 
• Па-другое, для рэгістрацыі неабходна прад’явіць шэраг дакументаў, уключаючы: пасведчанне асобы (пашпарт), працоўную кніжку, дакументы аб адукацыі і іншыя.

Дарэчы

Субсідыі ад дзяржавы на арганізацыю сваёй справы з 1 лютага павялічыліся.

У горадзе яны складаюць 11 бюджэтаў пражытачнага мінімуму (па 30 красавіка 2026 года гэта сума будзе раўняцца 5466,56 рубля). 

У малых гарадах і раёнах з высокай напружанасцю на рынку працы, а таксама ў сельскіх населеных пунктах субсідыя складае 15 БПМ, або 7454,4 рубля.

Пры арганізацыі беспрацоўнымі прадпрымальніцкай дзейнасці, звязанай з укараненнем вынікаў навуковых даследаванняў і распрацовак, сума вырасце да 20 БПМ, або 9939,2 рубля.

Каб атрымаць гэтыя грошы, трэба быць зарэгістраваным як беспрацоўны ў службе занятасці, быць старэйшым за 18 гадоў, напісаць заяву ў службу занятасці і даць бізнес-план (спецыялісты могуць дапамагчы ў яго складанні).