З пачатку зімовага сезона (Міністэрства аховы здароўя вядзе статыстыку з першых замаразкаў) з 26 лістапада 2025 года па 27 студзеня 2026 года ў Беларусі зарэгістраваны 7845 пацярпелых ад галалёдных і халадовых траўмаў. З усіх пацыентаў, якія звярнуліся ва ўстановы аховы здароўя з галалёднымі траўмамі або пераахаладжэннем, 1496 — дзеці. Больш за ўсё пацыентаў пацярпелі ад падзення пры галалёдзе — 5677 дарослых і 1454 дзіцяці. Пры гэтым 228 дарослых і 498 дзяцей атрымалі траўмы пры катанні на цюбінгах, лядзянках, санках і г.д.

У Брэсцкай вобласці за ўвесь перыяд звярнуліся за медыцынскай дапамогай 927 чалавек. Халадовыя траўмы дыягнаставаны ў 116 пацыентаў, галалёдныя — у 811. Шпіталізаваны 202 пацыенты. У Віцебскай вобласці зарэгістраваны 1072 пацыенты. Халадовыя траўмы дыягнаставаны ў 76 пацыентаў, галалёдныя — у 996. У бальніцу трапілі 155 чалавек. У Гомельскай вобласці зарэгістраваны 1510 пацыентаў. Халадовыя траўмы дыягнаставаны ў 137 пацярпелых, галалёдныя — у 1373. У бальніцы шпіталізаваны 203 чалавекі. 

У Гродзенскай вобласці было зарэгістравана 724 пацыенты. Халадовыя траўмы атрымалі 79 чалавек, галалёдныя — 645. У бальніцы трапілі 177 чалавек. У Магілёўскай вобласці зарэгістраваны 1450 пацярпелых. Халадовыя траўмы дыягнаставаны ў 112 пацыентаў, галалёдныя — у 1338. Шпіталізаваны 276 чалавек. 

У Мінскай вобласці — 1219 пацярпелых. Халадовыя траўмы дыягнаставаны ў 142 пацыентаў, галалёдныя — у 1077 чалавек. Шпіталізаваны 198 пацыентаў. У Мінску зарэгістраваны 943 пацярпелыя. Халадовыя траўмы атрымалі 52 чалавекі, галалёдныя — 891. У бальніцы апынуўся 91 пацыент. 

Міністэрства аховы здароўя папярэджвае грамадзян: выходзячы на вуліцу, трэба быць уважлівымі і выбіраць адпаведнае адзенне. Трэба насіць абутак з устойлівым абцасам і тоўстай або рыфленай падэшвай, ісці павольна і не трымаць рукі ў кішэнях, пазбягаць слізкіх нахіленых паверхняў, быць уважлівым у прыцемках. Пажылым лепш выкарыстоўваць кіёк для ўстойлівасці. Бацькам малышоў і падлеткаў неабходна навучыць дзяцей выконваць правілы бяспекі на горках. Калі ўсё ж траўмы пазбегнуць не ўдалося, неабходна звярнуцца ў бліжэйшы траўмапункт, а калі траўма сур’ёзная — выклікаць хуткую медыцынскую дапамогу для шпіталізацыі.