Як падкрэсліла міністр, у Дзень пажылых людзей немагчыма не гаварыць аб мерах сацыяльнай падтрымкі, якія аказваюцца людзям паважанага ўзросту ў Беларусі. «Больш за 2 млн пажылых грамадзян пражываюць у краіне, 41 тыс. беларусаў, старэйшых за 90 гадоў, а звыш 600 чалавек — (ва ўзросце. — Заўв. БелТА) 100 гадоў і больш», — звярнула ўвагу Наталля Паўлючэнка.

«Уся сістэма сацыяльнай абароны накіравана і арганізавана для аказання чалавеку дапамогі і падтрымкі ў розных сітуацыях. Калі ён хоча заставацца дома, то з улікам навацый закона аб сацыяльным абслугоўванні гэта комплексны медыка-сацыяльны догляд дома. Калі складаецца індывідуальная праграма, калі прыходзяць медыкі, сацыяльны работнік, арганізоўваецца побыт чалавека. Калі ўжо дома заставацца няма магчымасці, вядома ж, гэта ўстанова сацыяльнага абслугоўвання для пажылых, грамадзян з інваліднасцю», — адзначыла міністр.

«Яшчэ адзін кірунак, калі мы гаворым пра пажылых людзей, які паспяхова развіваецца ў нашай краіне, — стратэгія актыўнага даўгалецця. Мы вельмі хочам, каб людзі старэйшага пакалення, залатога ўзросту максімальна актыўна, як мага даўжэй (маглі рэалізоўваць свой патэнцыял. — Заўв. БелТА). Гэта і захаванне здароўя, і сацыялізацыя. У нас у праграмах актыўнага даўгалецця ўдзельнічаюць звыш 65 тыс. грамадзян пажылога ўзросту», — расказала Наталля Паўлючэнка.

Міністр звярнула ўвагу і на тое, што ў тэрытарыяльных цэнтрах сацыяльнага абслугоўвання максімальна развіваецца адукацыйная дзейнасць, а таксама не толькі класічныя спартыўныя праграмы, але і дадатковыя. «Мы бачым, што вельмі развіты і інтэлектуальны кірунак у тэрытарыяльных цэнтрах сацыяльнага абслугоўвання. Гэта навучанне камп'ютарнай дасведчанасці, іншыя вельмі карысныя старэйшаму пакаленню заняткі», — дадала яна.