Інспектары ДАІ за парушэнне ПДР за чатыры выхадныя дні прыцягнулі да адміністрацыйнай адказнасці больш за 600 пешаходаў. «З іх 73 чалавекі знаходзіліся ў стане алкагольнага ап’янення, 355 пешаходаў не былі пазначаныя святлоадбівальнымі элементамі», — адзначылі ва ўпраўленні ДАІ.

Таксама ў рэгіёне былі зарэгістраваныя 127 ДТЗ з матэрыяльнай шкодай, у тым ліку 38 — у Віцебску.

Дзяржаўтаінспекцыя нагадвае ўсім удзельнікам дарожнага руху быць уважлівымі, улічваць умовы надвор’я і прытрымлівацца бяспечнай хуткасці, асабліва ва ўмовах галалёдзіцы на дарогах. Пешаходам неабходна перасякаць праезную частку толькі ва ўстаноўленых месцах, а ў цёмны час сутак насіць флікеры.