За шэсць сутак беларуская бягуння пераадолела 601 км — у сярэднім па 100 км у дзень. Пасля перамогі Вольга Вараб’ёва расказала, што гэта быў яе першы падобны старт і адразу паспяховы. Аднак яна адзначыла, што ёй яшчэ ёсць да чаго імкнуцца, бо сусветны рэкорд у гэтай дысцыпліне належыць Ірыне Масанавай, якая за шэсць сутак прабегла 832,5 км. Пры падрыхтоўцы да такіх забегаў трэба разумець масу аспектаў: як харчавацца, колькі адпачываць і ўлічваць вялікую колькасць іншых нюансаў. Часцяком моцныя бегуны сыходзяць з дыстанцыі менавіта таму, што не да канца прадумалі ўсе, здавалася б, дробныя дэталі.

У мінулых спаборніцтвах прынялі ўдзел ультрамарафонцы з Беларусі, Казахстана і Расіі.