Марына Тоўсцік адзначыла, што згодна з зацверджанай дзяржаўнай праграмай «Камфортнае жыллё і спрыяльнае асяроддзе» на 2026—2030 гады, у 2026 годзе па краіне ўстаноўлены паказчык уводу жылля пасля капітальнага рамонту на ўзроўні 2,1 %. «Калі перавесці гэта на Мінск, то гэта складзе 780 тыс. кв. м, або 141 жылы дом», — дадала яна. 

Генеральны дырэктар таксама нагадала, што па выніках работы 2025 года горад паспяхова выканаў заданне па ўводзе жылля пасля капітальнага рамонту жыллёвага фонду. «Пры заданні ў 1082 тыс. кв. м было ўведзена 1083,9 тыс. кв. м жылля. У выніку работы па капітальным рамонце былі выкананы ў 166 жылых дамах», — адзначыла Марына Тоўсцік. 

Начальнік упраўлення гарадской гаспадаркі і энергетыкі Мінгарвыканкама Аляксандр Ракаўшчык падчас аператыўнай нарады паведаміў, што за папярэднюю пяцігодку было адрамантавана 5,4 млн кв. м жылой плошчы або 976 жылых дамоў. «Гэта больш за 30 % ад плошчы жылых дамоў, на якіх праводзіцца капітальны рамонт ва ўсёй рэспубліцы», — падкрэсліў ён.