У Беларусі ў студзені — маі гэтага года арганізацыямі ўсіх форм уласнасці пабудавана 13 тыс. кватэр, уведзена ў эксплуатацыю 1338,1 тыс. кв. м агульнай плошчы жылля. Аб гэтым паведамляе БелТА са спасылкай на Белстат.
Для грамадзян, якія знаходзяцца на ўліку маючых патрэбу ў паляпшэнні жыллёвых умоў, уведзена ў эксплуатацыю 409,5 тыс. кв. м агульнай плошчы, або 30,6 працэнта ад агульнага аб’ёму ўведзенага жылля.
З агульнага аб’ёму ўведзенага жылля для грамадзян, якія знаходзяцца на ўліку маючых патрэбу ў паляпшэнні жыллёвых умоў, з выкарыстаннем дзяржаўнай падтрымкі пабудавана 248,8 тыс. кв. м.
У сельскіх населеных пунктах уведзена ў эксплуатацыю 602,5 тыс. кв. м агульнай плошчы жылля, або 45 працэнтаў ад агульнага ўводу па рэспубліцы.
Фота з адкрытых крыніц
