«У сезон, які адбыўся, у нас прышчэплена больш за 1 млн 380 тыс. чалавек. З іх больш за 256 тыс. — дзеці ва ўзросце да 17 гадоў уключна. Як і раней, сёлета менавіта прышчэпачная кампанія была сканцэнтраваная на тым, каб у першую чаргу абараніць групы рызыкі: дзяцей ва ўзросце да 3 гадоў, людзей любога ўзросту з хранічнымі захворваннямі, перш за ўсё дыхальнай, сардэчна-сасудзістай і эндакрыннай сістэмы», — сказала Вераніка Высоцкая.

Паводле яе слоў, наяўнасць хранічнага захворвання — гэта рызыка набыць нейкае ўскладненне альбо неспрыяльнае цячэнне хваробы ў выпадку заражэння вірусам грыпу. Акрамя гэтага, вакцынацыя вельмі неабходная асобам старэйшым за 60 гадоў, цяжарным жанчынам і асобам з імунадэфіцытнымі станамі. Традыцыйна вакцынацыя супраць грыпу з мэтай мінімізацыі рызыкі яго распаўсюджвання важная для медыцынскіх і фармацэўтычных работнікаў. 

«Мы заўсёды казалі пра важнасць зрабіць прышчэпку дзецям, якія наведваюць дзіцячыя і дашкольныя ўстановы, школы, а таксама асобам, якія прафесійна звязаныя з кантактам з вялікай колькасцю людзей», — дадала спецыяліст.

Для прафілактыкі заражэння вірусамі яна параіла пазбягаць месцаў, дзе збіраецца вялікая колькасць людзей, асабліва калі мерапрыемствы праходзяць у закрытых неправетраных памяшканнях, а таксама па магчымасці абмежаваць кантакты з хворымі людзьмі. Калі вам трэба даглядаць хворага чалавека, то варта выкарыстоўваць сродкі абароны сябе, выконваць правілы гігіены рук, рэгулярна праветрываць памяшканне і праводзіць вільготнае прыбіранне. Таксама важна выконваць рэспіраторны этыкет.

«Што датычыцца імунітэту: калі вы хочаце прызначыць сабе імунамадулятары, імунастымулятары, калі ласка, не палянуйцеся і атрымайце кансультацыю ўрача», — падсумавала Вераніка Высоцкая.