Удакладняецца, толькі ў Германіі адкліканне закранула каля 136,5 тыс. аўтамабіляў. У ЗША гэты паказчык складае 195 тыс. аўто. Пры гэтым у BMW не сталі ўдакладняць агульную колькасць адкліканых транспартных сродкаў па ўсім свеце.

Праблема закранула мадэлі, выпушчаныя з верасня 2015 па верасень 2021 года, у тым ліку ў Азіі і Еўропе. Па даных BMW, у адкліканых транспартных сродках вада можа пранікнуць у пускавую прыладу і выклікаць карозію. У такім разе запуск рухавіка будзе немагчымы. Акрамя таго, існуе вялікая верагоднасць кароткага замыкання, якое прыводзіць да лакальнага перагрэву стартара, што можа справакаваць узгаранне аўтамабіля.

Як растлумачылі ў кампаніі, такое можа адбыцца і падчас стаянкі аўтамабіля. У сувязі з гэтым кліентам «настойліва рэкамендуецца паркаваць аўтамабілі на адкрытым паветры, удалечыні ад будынкаў да завяршэння рамонту».