Эксперты назвалі магчымую прычыну маштабнага блэкаўта, з-за якога Пірэнейскі паўвостраў застаўся без электрычнасці. Перастала функцыянаваць сетка, якая забяспечвала электрычнасцю Іспанію, Партугалію і частку Францыі. Цяпер падача электраэнергіі адноўлена, а спецыялісты ўстанаўліваюць, чаму так адбылося. Пра гэта паведамляе «МИР 24».
Па адной з версій, аварыя здарылася з-за рэдкай атмасфернай з’явы. Экстрэмальныя змены тэмпературы ва ўнутраных раёнах Іспаніі прывялі да анамальных ваганняў у лініях вельмі высокай напругі (400 кВ). Гэтая з’ява вядома як індукаваная атмасферная вібрацыя. Эксперты растлумачылі, што ваганні выклікалі збоі ў сінхранізацыі паміж электрычнымі сістэмамі і паслядоўныя збои ва ўзаемазвязанай еўрапейскай сетцы.
На гэты момант вядома, што блэкаўт адбыўся пасля раптоўнага зніжэння магутнасці іспанскай сеткі па вытворчасці электраэнергіі на 60%. У вынікі ўсяго за 5 секунд было страчана 15 гігават электраэнергіі. Паколькі сістэма не здолела збалансаваць велізарную розніцу паміж вытворчасцю і спажываннем, то была спынена, а ўслед за ёй «лягла» і партугальская сетка.
Блэкаўт выклікаў хаос у еўрапейскіх краінах. Плацяжы па картах не праходзілі, святлафоры і бытавая тэхніка перасталі працаваць, а ўсе гульні тэніснага турніру Madrid Open прыйшлося адмяніць.
Прафесар Універсітэта Кардыфа Цзяньчжун Ву адзначыў, што «належнае расследаванне запатрабуе часу». Атмасферная вібрацыя — толькі адно з магчымых тлумачэнняў, і яго яшчэ трэба будзе даказаць.
Вучоныя з Імперскага каледжа Лондана заявілі, што перабоі ў рабоце такога маштабу звычайна выкліканыя некалькімі збоямі, якія адбываюцца ў розных пунктах сеткі адначасова. Да іх магла прывесці сукупнасць цэлага шэрагу фактараў, у тым ліку няспраўнасцю кампъютарнай сістэмы ці памылка чалавека.
Фота з адкрытых крыніц
