«Супрацоўнікі Дзяржаўтаінспекцыі працуюць ва ўзмоцненым варыянце. Павышаная ўвага надаецца выяўленню вадзіцеляў і пешаходаў, якія здзяйсняюць грубыя парушэнні правілаў дарожнага руху, у першую чаргу ў стане алкагольнага ап’янення і бяспраўнікаў. Для аказання практычнай дапамогі ў Брэсцкую і Мінскую вобласці накіраваны нарады дарожна-патрульнай службы „Страла“ МУС. Інспектары працуюць у рэжыме галоснага і змешанага кантролю», — адзначылі вартавыя дарог.

У ДАІ таксама нагадалі, што ў пераменлівых умовах надвор’я неабходна прымаць павышаныя меры бяспекі. Падчас руху вадзіцелі павінны быць уважлівыя і асцярожныя, не здзяйсняць рэзкіх манеўраў і загадзя зніжаць хуткасць перад пешаходнымі пераходамі, скрыжаваннямі, чыгуначнымі пераездамі і закругленнямі дарогі. Усе змешчаныя ў транспартным сродку абавязаны быць прышпіленыя рамянямі бяспекі, а дзеці да 12 гадоў і ростам да 150 см — перавозіцца толькі ў дзіцячых утрымлівальных прыладах.

Пешаходы павінны пераходзіць дарогу толькі ў дазволеных месцах і толькі пераканаўшыся ў бяспецы. Ва ўмовах дрэннай бачнасці і ў цемры неабходна пазначаць сябе святлоадбівальнымі элементамі.