«Гэта важная падзея для супрацоўніцтва Беларусі і Кітая. Цалкам падтрымліваем далейшае пашырэнне гэтага кірунку супрацоўніцтва з Беларуссю», — сказаў дырэктар. «Было б выдатна, калі б больш беларускіх тавараў, асабліва паўсядзённага попыту і прадуктаў харчавання, такіх як знакамітыя беларускія малочныя прадукты ці кандытарскія вырабы, больш актыўна пастаўляліся на кітайскі рынак.

Гэта дазволіла б як мага большай колькасці кітайскіх жыхароў літаральна адчуць смак беларускіх прадуктаў паўсядзённага жыцця, што стала б вельмі цёплым і канкрэтным увасабленнем нашага сяброўства», — адзначыў Бэй Вэньлі.

Ён звярнуў увагу, што цікавасць у Кітаі да Беларусі вельмі высокая. «Пра гэта красамоўна гавораць і 14 цэнтраў вывучэння Беларусі, створаных па ўсёй нашай краіне. Кітайскія навукоўцы і грамадскасць жыва цікавяцца як гісторыяй і традыцыямі Беларусі, так і яе сучасным развіццём, мадэрнізацыяй і дасягненнямі, сучасным мастацтвам і літаратурай», — заўважыў дырэктар. 

«На мінулых шанхайскіх EXPO Нацыянальныя канцэрты ў павільёне Беларусі і гастролі Нацыянальнага акадэмічнага Вялікага тэатра оперы і балета Беларусі збіралі велізарную аўдыторыю. Дакладна гэтак жа выстава работ сучасных маладых беларускіх мастакоў у Шанхаі прыцягнула мноства наведвальнікаў», — паведаміў дырэктар Цэнтра вывучэння Беларусі.

Ён выказаў упэўненасць у тым, што падчас Кітайскай міжнароднай выставы імпарту можна будзе пераканацца, якой увагай і цікавасцю карыстаюцца беларускія экспанаты. «Усё гэта — нагляднае пацвярджэнне шчырай сімпатыі і цікавасці кітайскага народа да вашай краіны», — рэзюмаваў Бэй Вэньлі.