Як паведамілі ў Нацыянальным статыстычным камітэце, у мінулым годзе арганізацыямі ўсіх формаў уласнасці пабудавана 50,2 тысячы новых кватэр. Уведзена ў эксплуатацыю 4,573 мільёна квадратных метраў агульнай плошчы жылля.
З іх на долю індывідуальных дамоў прыйшлося 2,251 мільёна «квадратаў», або 49,4 % ад агульнага ўводу.
Так, для грамадзян, якія стаяць на ўліку маючых патрэбу ў паляпшэнні жыллёвых умоў, уведзена ў эксплуатацыю 1,490 мільёна квадратных метраў агульнай плошчы, або 32,6 % ад агульнага аб’ёму ўведзенага жылля.
З агульнага аб’ёму ўведзенага жылля для грамадзян, якія стаяць на ўліку маючых патрэбу ў паляпшэнні жыллёвых умоў з выкарыстаннем дзяржаўнай падтрымкі, пабудавана 810,9 тысячы квадратных метраў.
У сельскіх населеных пунктах уведзена ў эксплуатацыю 1,648 мільёна квадратных метраў агульнай плошчы жылля, або 36 % ад агульнага ўводу па краіне.
Па геаграфіі лідарам па ўводзе жылля з’яўляецца Мінская вобласць — тут пабудавана 1,353 мільёна квадратных метраў жылля, затым ідзе сталіца — 719,9 тысячы «квадратаў», у Брэсцкай вобласці ўзвялі 643,3 тысячы, у Гомельскай — 568,2 тысячы, Гродзенскай — 462,6 тысячы, Магілёўскай — 420,7 тысячы і Віцебскай — 405,4 тысячы квадратных метраў жылля.
