Штогод у Беларусі 14 кастрычніка адзначаецца Дзень маці. На 1 студзеня 2025 года ў краіне пражывалі 4047 тыс. жанчын ва ўзросце 18 гадоў і старэйшых, што складае 55,1 % ад агульнай колькасці паўналетняга насельніцтва. 79,3 % ад агульнай колькасці жанчын названага ўзросту пражывалі ў горадзе, а 20,7 % — у сельскай мясцовасці.

Колькасць жанчын у рэпрадуктыўным узросце (15-49 гадоў) — 2103,7 тыс., гэта значыць 42,9 % ад агульнай колькасці жанчын. З іх 83,7 % пражываюць у гарадской мясцовасці, 16,3 % — у сельскай. Сярэдні ўзрост маці пры нараджэнні дзіцяці склаў 30,5 года, а пры нараджэнні першынца — 27,6.

«Сацыяльная палітыка, якая праводзіцца ў краіне, садзейнічае таму, каб у кожнай жанчыны была магчымасць вырасціць і выхаваць здаровых і шчаслівых дзяцей», — падкрэслілі ў Белстаце. Паводле даных Міністэрства аховы здароўя, у 2024 годзе на 10 тыс. жанчын прыпадала 6 урачоў акушэраў-гінеколагаў. Функцыянавалі 162 жаночыя кансультацыі і арганізацыі аховы здароўя, якія маюць у складзе жаночыя кансультацыі. 1671 жанчына стала мамай у выніку прымянення метаду экстракарпаральнага апладнення, што на 279 мам больш, чым у 2023 годзе.

У 2024 годзе ў шлюб узялі 46 242 жанчыны. З іх упершыню выйшлі замуж 60,9 %, а 39,1 % — паўторна. Пры гэтым сярэдні ўзрост першага ўступлення ў шлюб у жанчын склаў 26,7 года, а паўторнага — 40,3.

Акрамя таго, 2232 тыс. жанчын ва ўзросце ад 18-58 гадоў былі заняты ў эканоміцы ў 2024 годзе. З іх 48 % мелі непаўналетніх дзяцей. Пры гэтым 56,9 % мелі адно дзіця, 33 % — двух, а 10,1 % — трох і больш дзяцей. Сярод кіраўнікоў гэтай узроставай катэгорыі 50,5 % жанчын-кіраўнікоў. З іх 47,4 % мелі непаўналетніх дзяцей.

У сем’ях з дзецьмі да 10 гадоў маці ў сярэднім трацяць на догляд дзяцей 2 гадзіны 16 хвілін у дзень. На фізічны догляд і назіранне прыпадае 1 гадзіна 15 хвілін, а на навучанне і выхаванне — 1 гадзіна і адну хвіліну.