Па словах Святланы Юркевіч, далейшае развіццё «Белпошта» бачыць у развіцці электроннага гандлю. «Мы ідзём па шляху ў тым ліку стварэння ўласнай пляцоўкі, якая будзе нацэлена на гэты кірунак, — адзначыла яна. — Наш інтэрнэт-магазін працуе па прынцыпе выкупу тавару і размяшчэння ў сябе на складзе. Потым ужо ідзе продаж праз сваю сетку. За апошнія тры гады тавараабарот інтэрнэт-магазіна вырас у паўтара раза. Але мы сацыяльнае прадпрыемства, у нас не такія рэнтабельныя паслугі, каб купіць тавары і размясціць іх у сябе на складах. Плюс у нас няма столькі плошчаў, складоў, каб гэта рэалізаваць. Таму жыццё нас падштурхнула да трансфармацыі інтэрнэт-магазіна менавіта ў электронную пляцоўку, дзе будуць размяшчацца тавары, у прыватнасці айчынных вытворцаў».

Гендырэктар расказала, што ўжо з 1 кастрычніка маркетплэйс «Белпошты» запушчаны ў вопытна-прамысловую эксплуатацыю з абмежаваным колам карыстальнікаў, каб адтачыць усе нюансы і тэхналагічныя працэсы. «Цяпер ідзе актыўнае напаўненне таварамі і карткамі пакупнікоў. Тут вельмі актыўную пазіцыю займаюць вытворцы і прадаўцы — індывідуальныя прадпрымальнікі. Гэта хутка ў іх атрымліваецца», — падкрэсліла Святлана Юркевіч.