«Тэль-Авіў — адзін з першых напрамкаў маршрутнай сеткі „Белавія“. Авіякампанія пачала лётаць у Ізраіль у 1995 годзе. Сёння рэйсы былі адноўленыя пасля доўгага прыпынення праграмы ў лютым 2022-га з прычын, незалежных ад авіякампаніі, — расказалі ў прэс-службе. — Аднаўленне рэйсаў прайшло па-сапраўднаму ярка. Пасажыры рэгістраваліся на рэйс у Ізраіль пад мелодыі вядомых яўрэйскіх песень у выкананні музычнага квартэта. Акрамя таго, усе турысты атрымалі памятныя сувеніры ад авіякампаніі, а першаму пасажыру дастаўся асаблівы падарунак».

«З вялікім задавальненнем аб’яўляем аб аднаўленні рэгулярных рэйсаў у Тэль-Авіў. Гэта знакавая падзея для нас, бо Ізраіль быў адным з першых міжнародных напрамкаў у сетцы „Белавія“. Мы заўсёды былі зацікаўлены ў прасоўванні гэтага маршруту — аднаго з самых запатрабаваных у пасажыраў па многіх прычынах, у тым ліку дзякуючы медыцынскаму, духоўнаму турызму. Мы бачым высокую цікавасць да маршруту і з боку Ізраіля. Там пражывае шмат грамадзян, звязаных сямейнымі і сяброўскімі сувязямі з Беларуссю. Безумоўна, яны рады прамым зручным авіязносінам з Мінскам. Аднаўленне рэйсаў — гэта адказ на запыты тысяч людзей, якія чакалі магчымасці прыляцець у госці да родных і блізкіх без доўгіх стыковак», — адзначыў генеральны дырэктар «Белавія» Ігар Чаргінец.