У першы дзень сакавіка ўдзельнікі вызначылі прызёраў у стральбе з вінтоўкі сярод змешаных пар. Серабро заваявалі нашы Лізавета Гаўрыленка і Аляксандр Качэўскі, якія ў фінале ўступілі прадстаўнікам Казахстана Сафіі Шульжэнка і Мікіту Шахторыну. Бронзу заваяваў яшчэ адзін беларускі дуэт Марыя Мартынава — Ілья Чаргейка, у матчы за трэцяе месца нашы спартсмены перамаглі Маліку Лагуценка і Рыната Казачэнку з Таджыкістана.

Пасля трох дзён спаборніцтваў у Шымкенце ў актыве беларускай каманды шэсць медалёў (1-3-2). Міжнародны турнір «Гран-пры Алтын Мерген» па кулявой стральбе прадоўжыцца па 5 сакавіка.