Выканаўчы камітэт FIAS на пасяджэнні 3 кастрычніка 2025 года прыняў рашэнне дазволіць спартсменам з Беларусі і Расіі выступаць пад сваімі сцягамі на міжнародных турнірах сярод юнакоў і юніёраў. Кіруючыся прынцыпам роўнага стаўлення да ўсіх нацыянальных федэрацый, выканкам на пасяджэнні 4 снежня пастанавіў распаўсюдзіць дадзеную практыку на ўсе ўзроставыя катэгорыі. Такім чынам, пачынаючы з 1 студзеня 2026 года спартсмены з Беларусі і Расіі атрымаюць права выступаць пад нацыянальнымі сцягамі і з гімнамі на ўсіх міжнародных спаборніцтвах пад эгідай FIAS.

«З 2022 года, у адрозненне ад шматлікіх міжнародных спартыўных федэрацый, FIAS паслядоўна дапускала беларускіх і расійскіх спартсменаў да спаборніцтваў у нейтральным статусе, грунтуючыся на перакананні, што спорт павінен заставацца па-за палітыкай. Спорт — гэта мост для дыялогу і ўзаемаразумення паміж народамі нават у няпростыя часы. Мы працягнулі гэты курс, спачатку вярнуўшы нацыянальную сімволіку для юніёраў, а цяпер — для ўсіх спартсменаў. Гэта рашэнне вяртае сітуацыю ў прававое поле, заснаванае на роўных правах для ўсіх членаў нашай Федэрацыі», — адзначыў прэзідэнт FIAS Васіль Шастакоў.