Беларускія навукоўцы могуць падключыцца да даследаванняў рэдказямельных металаў у Арктыцы. Пра гэта журналістам заявіў губернатар Мурманскай вобласці Андрэй Чыбіс па выніках сустрэчы з Прэзідэнтам Беларусі Аляксандрам Лукашэнкам, паведаміла БелТА.
«Кольскі паўвостраў — гэта амаль 80 % табліцы Мендзялеева. Гэта вядома, але названыя даследаванні працягваюцца. У гэтым сэнсе рэдказямельныя металы, мінеральныя рэсурсы, якія ёсць у Арктыцы, перш за ўсё на Кольскім паўвостраве, — гэта таксама магчымая тэма для сумесных праектаў (Беларусі і Мурманскай вобласці. — Заўв. БелТА)», — сказаў Андрэй Чыбіс.
