Канферэнцыя пройдзе 6 сакавіка і аб’яднае вядучых айчынных і замежных спецыялістаў — отарыналарынголагаў, сурдолагаў, аудыёлогаў, неўролагаў. Навукоўцы і спецыялісты-практыкі абмяркуюць ключавыя праблемы дыягностыкі, лячэння і рэабілітацыі пацыентаў з паталогіяй слыху і вестыбюлярнымі парушэннямі.

«У цэнтры ўвагі будзе тэма „Кахлеавестыбулярныя парушэнні: садружнасць або супярэчнасці поглядаў“. Сваімі напрацоўкамі падзеляцца прадстаўнікі ГрДМУ, Расійскага ўніверсітэта медыцыны Міністэрства аховы здароўя РФ, РНПЦ неўралогіі і нейрахірургіі (Мінск), БДМУ, Самарскага медуніверсітэта і іншых навуковых арганізацый і ВНУ», — расказаў загадчык кафедры отарыналарынгалогіі і вочных хвароб ГрДМУ доктар медыцынскіх навук Алег Хораў.

У праграме таксама тэматычныя майстар-класы «Сасудзісты кампанент: ад дыягностыкі да патагенетычнай тэрапіі» і «Мультымадальная тэрапія: увесь арсенал сучаснага ўрача», інтэрактыўныя фарматы — разбор клінічных выпадкаў, постэрная сесія і дыскусія.

Спецыялісты абмяняюцца вопытам у лячэнні хваробы Меньера, тынітуса, сучасных метадах дыягностыкі спадчыннай глухаватасці, вестыбюлярнай рэабілітацыі.