У актыве нашай зборнай тры залатыя, адна сярэбраная і восем бронзавых узнагарод. Беларуская каманда ў групавых практыкаваннях (Маргарыта Сіліч, мая Клімко, Юлія Дружыніна, Арыяна Пархачова, Варвара Арцёменка, Караліна Цыдзік) узяла золата ў практыкаванні з булавамі, а ў фінале з абручамі заняла трэцяе месца. 

У сеніёрак наша Дар’я Вярэніч стала наймацнейшай у практыкаваннях з булавамі і стужкай, а таксама была трэцяй з абручом. Дар’я Ткачова паднялася на трэцюю прыступку п’едэстала ў мнагабор’і і выйграла срэбра ў практыкаванні з абручом. 

Сярод юніёрак беларуска Кіра Бабкевіч пасля бронзы ў мнагабор’і была трэцяй у практыкаваннях з абручом і мячом, Анастасія Ільенка заваявала па бронзе з булавамі і стужкай.