Дзве сустрэчы адбудуцца ў Венгрыі. У Сегедзе гродзенскі «Нёман» згуляе са славацкім «Кошыцэ» (пачатак матчу ў 21:00). Тыдзень таму ў Кошыцэ віцэ-чэмпіёны Беларусі атрымалі валявую вікторыю з вынікам 3:2. У выпадку поспеху па суме дзвюх гульняў падапечныя Ігара Кавалевіча ў 3-м раўндзе сустрэнуцца з пераможцам пары «Раднічкі» (Ніш, Сербія) — «Клаксвік» (Фарэрскія астравы). Іх паядынак у Сербіі завяршыўся ўнічыю — 0:0. На старце кваліфікацыі трэцяга па рангу кантынентальнага турніру "Нёман«двойчы перайграў Армянскі «Урарту» з Ерэвана — 2:1 і 4:0.

У горадзе Кішварда жодзінскае «Тарпеда-БелАЗ» будзе супернічаць з ізраільскім «Макабі» з Хайфы (пачатак у 21:00). На мінулым тыдні ў венгерскім Самбатхеі сапернікі не выявілі пераможцу, згуляўшы ўнічыю — 1:1. Калі каманда Дзмітрыя Молаша пройдзе далей, то будзе супернічаць з лепшым клубам пары «Ракув» (Польшча) — «Жыліна» (Славакія). У іх першым матчы палякі разграмілі славакаў на сваім полі з лікам 3:0. У першым раўндзе тарпедаўцы перамаглі паўночнамакедонскі клуб «Работнічкі» са Скоп’е — 3:0 і 1:0.

У албанскай Рагожыне футбалісты мінскага «Дынама» згуляюць з мясцовай «Эгнаціяй» (пачатак у 22:00). Тыдзень таму дынамаўцы прайгралі албанцам з вынікам 0:2. Пераможца гэтай пары згуляе ў трэцім раўндзе са славенскай «Алімпіяй» з Любляны, якая была мацнейшай за андорскі «Інтэр» — 4:2 і 1:1. Мінчане пачыналі гэты еўракубкавы сезон у кваліфікацыі Лігі чэмпіёнаў, саступіўшы па суме дзвюх сустрэч балгарскаму «Лудагорцу» з Разграду — 0:1 і 2:2.

Каб прабіцца ў асноўны этап Лігі канферэнцый, камандам трэба паспяхова пераадолець чатыры кваліфікацыйныя бар’еры.