Наша спартсменка атрымала перамогу ў омніуме — дысцыпліне веласпорту, якая спалучае чатыры віды праграмы. У суме Конрад набрала 165 балаў, абышоўшы Нафасат Казіеву з Узбекістана (123) і расіянку Марыю Аверыну (120). У дзясятку мацнейшых таксама трапілі беларускі Адэліна Сакун і Аліна Кароткіна, якія занялі 7-8-ю пазіцыі. У юнакоў за крок ад тройкі спыніўся наш Данііл Міронаў, які ўступіў бронзаваму прызёру 11 ачкоў. Арцём Барушкаў стаў восьмым.

Таксама Конрад паказала лепшы рэзультат у скрэтчы (гонцы з масавым стартам), апярэдзіўшы на фінішы дзвюх прадстаўніц Расіі. Кароткіна замкнула топ-6, яшчэ адна беларуска Валерыя Сцепанец закончыла заезд на восьмым радку. Сярод мужчын другое месца заняў наш Уладзіслаў Каўрыга, які размясціўся ўслед за расіянінам Сяргеем Растоўцавым. 7 мая на Гран-пры Ташкента пройдуць мэдысаны, гонкі па ачках і гонкі з выбываннем.