Шут паднялася на подыум у вагавой катэгорыі да 80 кг. У паўфінале беларуска была мацнейшая за расіянку Карыну Быкаву, але ў фінале саступіла яе суайчынніцы Анастасіі Хамячковай. Раней у гэтым годзе Карына стала сярэбраным прызёрам Кубка свету ў Арменіі, таксама Шут з’яўляецца медалісткай чэмпіянатаў свету і Еўропы і пераможцай гульняў БРІКС.

Яшчэ адна наша спартсменка Дыяна Хахлова (да 54 кг) пацярпела няўдачу на стадыі чвэрцьфіналу. Усяго на спаборніцтвах у Таджыкістане беларусы заваявалі пяць узнагарод (0-3-2). Другія месцы ў сваіх катэгорыях занялі прадстаўніцы баявога самба Лізавета Лапаева (да 59 кг) і Валерыя Хрушчова (звыш 80 кг), па бронзе ўзялі Ілля Ламіваротаў (да 79 кг) і Аляксандр Круглік (да 88 кг). 

У агульнай складанасці на Кубку свету ў Душанбэ выступілі больш за 170 атлетаў з 12 краін.