Беларуска Аляксандра Пятрова стала пераможцай міжнародных спаборніцтваў па стральбе з пнеўматычнай зброі «H&N Cup», паведамілі ў прэс-службе Мінспорту.
Беларуска атрымала перамогу ў практыкаванні ПП-3 (пнеўматычны пісталет, 10 метраў). Удзел у гэтым відзе праграмы бралі 66 дзяўчат. Турнір у Мюнхене працягнецца па 26 студзеня, акрамя Пятровай нашу каманду ў Германіі прадстаўляюць Дар’я Чупрыс, Уладзіслаў Дэмеш і Любоў Яскевіч.
