Спецыялісты звярнулі ўвагу на важнасць рэгулярнага абнаўлення пароляў ад сваіх акаўнтаў у розных сацыяльных сетках. Змяняць паролі рэкамендуецца раз у некалькі месяцаў — гэта змяншае рызыкі.

У Нацыянальным цэнтры абароны персанальных даных нагадалі, што ставіць адзін пароль на ўсе акаўнты — памылка. На жаль, мільёны людзей выкарыстоўваюць у якасці пароля камбінацыі 123456 або password. Падкрэсліваецца, што падбіраць трэба складаныя камбінацыі. Унікальныя паролі для кожнага акаўнта адпужваюць хакераў.

Рэкамендуецца падключыць двухфактарную аўтэнтыфікацыю, і ўзлом стане амаль немагчымым. Таксама варта ігнараваць ініцыяваныя не самім карыстальнікам запыты на скід пароля. І, зразумела, не трэба пераходзіць па падазроных спасылках. 

У выхадныя інтэрнэт абляцела навіна аб уцечцы ў Instagram, а сярод злітых даных — імёны карыстальнікаў, нумары тэлефонаў, фізічныя адрасы і электроннай пошты, геалакацыя. Аказаліся раскрыты даныя 17,5 млн акаўнтаў. 

Пазней у Instagram паведамілі, што ліквідавалі памылку, з-за якой іншыя асобы маглі ініцыяваць запыты на скід пароля ў некаторых карыстальнікаў. Паведамлялася, што ўзлому сістэм не адбылося і адпаведныя паведамленні можна ігнараваць.

Разам з тым эксперты лічаць, што не будзе лішнім змяніць пароль на максімальна надзейны.