«Геапалітычнае становішча Беларусі ў Еўразіі адкрывае шырокія перспектывы для супрацоўніцтва ў сферы лагістыкі. Наша краіна гатовая стаць платформай для стварэння сучасных лагістычных хабаў, дзе перадавыя тэхналогіі, уключаючы блокчэйн і Інтэрнэт рэчаў, будуць прымяняцца для пабудовы празрыстых і эфектыўных ланцужкоў паставак», — падкрэсліў Максім Рыжанкоў.

Асобна міністр выказаўся пра ролю штучнага інтэлекту. Беларускі бок, паводле яго слоў, разглядае штучны інтэлект як неад’емную частку тэхналагічнага суверэнітэту і выступае супраць тэхналагічнай манапалізацыі і лічбавага каланіялізму.

«Перакананыя, што БРІКС, якое аб’ядноўвае тэхналагічных лідараў c велізарным навуковым патэнцыялам, павінна заняць актыўную пазіцыю ў фарміраванні глабальных правілаў распрацоўкі і выкарыстання ШІ, — сказаў дыпламат. — Падводзячы вынік, хачу сказаць, што Беларусь бачыць у БРІКС не проста аб’яднанне, а стратэгічную платформу будучыні».