Беларусь уваходзіць у лік лідараў у Еўразійскім эканамічным саюзе па росце заработнай платы. Пра гэта сведчаць статыстычныя даныя Еўразійскай эканамічнай камісіі (ЕЭК), паведамляе БелТА.
«Сярэднямесячная намінальная заработная плата ў студзені-чэрвені 2026 года ў параўнанні з адпаведным перыядам 2025 года павялічылася ва ўсіх дзяржавах — членах ЕАЭС. Самыя высокія тэмпы росту сярэднямесячнай рэальнай заработнай платы (скарэкціравана на індэкс спажывецкіх цэн на тавары і паслугі) зафіксаваны ў Кыргызстане, Беларусі і Расіі», — гаворыцца ў экспрэс-інфармацыі ЕЭК аб заработнай плаце ў дзяржавах ЕАЭС.
Па тэмпах росту сярэднямесячнай намінальнай заработнай платы ў студзені-чэрвені 2026 года ў параўнанні з аналагічным леташнім перыядам Беларусь (113,2%) уступіла толькі Кыргызстану (127,5%). У Расіі гэты паказчык склаў 112,7%, у Казахстане — 100,3%, у Арменіі — 105,5%. Пры гэтым у Кыргызстане самы нізкі ўзровень зарплаты ў доларавым эквіваленце і самы высокі індэкс росту спажывецкіх цэн.
Па даных статыстыкі ЕЭК, па паказчыку сярэднямесячнага заробку ў пераліку на даляры ЗША ў студзені-чэрвені 2025 года Беларусь таксама заняла другое месца ($1026). На першым месцы Расія — $1431. У астатніх краін ЕАЭС памер зарплаты быў меншы за $1 тыс.: у Казахстане — $988, у Арменіі — $830, у Кыргызстане — $615.
Тэмпы росту сярэднямесячнай рэальнай заработнай платы (скарэкціраванай на індэкс спажывецкіх цэн на тавары і паслугі) у студзені-чэрвені 2026 года наступныя: у Кыргызстане — 115,3%, у Беларусі — 107,5%, у Расіі — 106,5%, у Арменіі — 100,9%, у Казахстане — 99,4%.
Пры гэтым у Беларусі ў чэрвені аказаўся адзін з самых нізкіх у ЕАЭС індэкс росту спажывецкіх цэн у адносінах да снежня 2025 года — 103,2%. У Арменіі гэта паказчык 101,7%, у Расіі — 104,8%, у Казахстана — 105,7%, у Кыргызстана — 106,7%.
