Прэзідэнт Беларусі Аляксандр Лукашэнка падпісаў закон, які ратыфікуе пагадненне паміж урадамі Беларусі і Расіі аб супрацоўніцтве ў сферы дзейнасці з каштоўнымі металамі і камянямі, а таксама вырабамі з іх. Пра гэта БелТА паведамілі ў прэс-службе беларускага лідара.
Міжнародным дагаворам вызначаюцца ўмовы для фарміравання агульнага рынку каштоўных металаў і камянёў, а таксама вырабаў з іх у рамках Саюзнай дзяржавы. Акрамя таго, прадугледжваецца парадак забеспячэння ўзаемнага кантролю за іх абаротам.
