Беларусь і Расія плануюць новыя праекты ў касмічнай сферы. Аб гэтым заявіў журналістам старшыня Прэзідыума Нацыянальнай акадэміі навук Уладзімір Каранік перад урачыстым канцэртам і мерапрыемствам да Дня яднання народаў Беларусі і Расіі ў Палацы Рэспублікі, паведамляе БелТА.
Беларусь і Расія вельмі цесна і актыўна супрацоўнічаюць у навуковай сферы. «За 30 гадоў вельмі шмат зроблена для фарміравання адзінай навукова-тэхналагічнай, інавацыйнай прасторы. Лік праектаў ідзе на сотні», — сказаў Уладзімір Каранік.
Цяпер плануюцца да рэалізацыі тры праграмы ў рамках Саюзнай дзяржавы. «Гэта дзясяткі мерапрыемстваў. Гэта працяг касмічнай тэматыкі, біятэхналогіі, мікраэлектроніка — тое, што, напэўна, найбольш запатрабавана ў нашых краінах», — адзначыў ён.
