Суразмоўцы абмеркавалі ход рэалізацыі дамоўленасцяў, дасягнутых падчас візіту кіраўніка беларускага знешнепалітычнага ведамства ў Інданезію ў жніўні 2025 года, адзначылі значную актывізацыю беларуска-інданезійскіх кантактаў.

Бакі абмяняліся думкамі па шырокім спектры пытанняў беларуска-інданезійскага супрацоўніцтва ў палітычным, гандлёва-эканамічным, інвестыцыйным, гуманітарным і іншых сферах, па тэмах рэгіянальнага і глабальнага парадку дня. 

Яны надалі асаблівую ўвагу ўзаемадзеянню ў рамках міжнародных арганізацый, дасягнуўшы дамоўленасці аб узмацненні каардынацыі дзеянняў на міжнароднай арэне. Акрамя таго, разгледзелі ініцыятыву распрацоўкі Еўразійскай Хартыі разнастайнасці і шматпалярнасці ў XXI стагоддзі. Інданезійскі бок адзначыў сугучнасць гэтай ініцыятывы сваім падыходам да глабальных працэсаў.

Абмеркаваны графік маючых адбыцца кантактаў і сумесных мерапрыемстваў, накіраваных на падтрыманне палітычнага дыялогу і актывізацыю эканамічнага ўзаемадзеяння.