Міністр замежных спраў Беларусі Максім Рыжанкоў 28 жніўня сустрэўся з намеснікам міністра замежных спраў Азербайджана Самірам Шарыфавым, паведамляе БелТА.
«Бакі станоўча ацанілі высокую дынаміку беларуска-азербайджанскага дыялогу на найвышэйшым і высокім узроўнях, дружалюбны і канструктыўны характар міждзяржаўных адносін, дасягнутыя вынікі гандлёва-эканамічнага і гуманітарнага супрацоўніцтва», — праінфармавалі ў знешнепалітычным ведамстве.
На сустрэчы таксама пацверджана цікавасць да далейшай актывізацыі ўзаемадзеяння паміж знешнепалітычнымі ведамствамі дзвюх краін.
