Узаемныя пастаўкі сельгаспрадукцыі павінны стаць стратэгічным вектарам развіцця біржавога гандлю паміж Беларуссю і Арэнбургскай вобласцю.
Пра гэта заявіў прадстаўнік БУТБ на выстаўцы-форуме «Менавы двор», якая праходзіць 10–12 верасня ў Арэнбургу з удзелам звыш
120 кампаній з 15 рэгіёнаў Расіі, Беларусі, Ірана, Казахстана, Камеруна, Кітая, Узбекістана.
Як расказалі ў прэс-службе БУТБ, цяпер праз біржу ў Арэнбургскую вобласць рэалізуюцца толькі піламатэрыялы, прычым у параўнанні са студзенем—жніўнем 2024 года аб’ёмы выраслі на 34 %.
Разам з тым высокі патэнцыял сегмента АПК. Так, у Беларусь можна пастаўляць сланечнікавы алей, шрот, пшаніцу, ячмень, у Арэнбургскую вобласць — малакапрадукты, кармавыя дабаўкі.
З гэтай нагоды на палях форуму прайшлі сустрэчы з прадстаўнікамі вядучых сельгаспрадпрыемстваў Арэнбуржжа і перагаворы з кіраўніцтвам рэгіянальных Цэнтраў падтрымкі экспарту і ГПП аб садзейнічанні ва ўстанаўленні кантактаў з прадпрымальнікамі рэгіёна.
