Размова ідзе аб цягніку, які выйшаў з Анапы 30 мая ў 21:32 і павінен прыбыць у сталіцу Беларусі 1 чэрвеня. Цяпер ён ідзе па маршруце Рослаў — Пачынак — Смаленск — Орша — Мінск.

«Арыентыровачны час прыбыцця на станцыю Мінск-Пасажырскі — 16 гадзін 30 хвілін», — паведамілі ў БЧ.

Пасажыры, якія на гэтым цягніку хацелі даехаць у Асіповічы, Бабруйск, Жлобін і Гомель, змогуць сесці ў Мінску ў 17:04 на цягнік № 684 Мінск-Гомель. У БЧ удакладнілі, што яны прыбудуць на згаданыя станцыі а 18:30, 19:16, 20:16 і 21:37 адпаведна.