Сігнал аб задымленні ў кватэры па вул.Маладзёжнай ратавальнікі атрымалі ўвечары 21 сакавіка. Калі падраздзяленні МНС прыбылі да месца выкліку, назіраўся дым з акна кватэры на першым паверсе шматкватэрнага жылога дома. 

Пры разведцы ўнутры ратавальнікі знайшлі гаспадара-пенсіянера і яго сына. «Абодва былі ў прытомнасці, аднак пакінуць небяспечную зону самастойна не маглі», — удакладнілі ў МНС.

Работнікі МНС вывелі мужчын на свежае паветра і перадалі медыкам. Пенсіянера шпіталізавалі, ягоны сын ад шпіталізацыі адмовіўся. 

Эвакуацыя жыхароў дома не спатрэбілася. Прычыну і абставіны здарэння высвятляюць. На месцы пажару працавала шэсць адзінак тэхнікі МНС.