Удзельнікі пасяджэння абмеркавалі восем пытанняў. У першую чаргу быў разгледжаны праект парадку дня чарговага пасяджэння Савета кіраўнікоў урадаў СНД, якое пройдзе ў маі ў Ашхабадзе (Туркменістан). «Папярэдне мы адобрылі парадак дня з 12 пытанняў (пасяджэння Савета кіраўнікоў урадаў. — Заўвага БЕЛТА), але ў працэсе, як звычайна, заўсёды вядзецца дапрацоўка і парадак дня дапаўняецца вызначанымі ініцыятывамі ад дзяржаў, — адзначыў першы намеснік генеральнага сакратара СНД Ігар Петрышэнка. — Парадак дня традыцыйна будзе закранаць пытанні абмену меркаваннямі па актуальных пытаннях эканамічнага ўзаемадзеянння на прасторы СНД, далейшага ўдасканалення дзейнасці адпаведных структур, форм узаемадзеяння ў рамках Садружнасці Незалежных Дзяржаў. На мінулым тыдні група выязджала і сустракалася са старшынствуючым у СНД у гэтым годзе туркменскім бокам, дзе абмяркоўваліся арганізацыйныя пытанні маючага адбыцца ў маі пасяджэння Савета кіраўнікоў урадаў. Таму сёння мы таксама акцэнтавалі ўвагу і на гэтых аспектах».

«Таксама мы сёння разгледзелі пытанні, звязаныя з арганізацыйнай падрыхтоўкай маючага адбыцца пасяджэння Савета міністраў замежных спраў (СМЗС), якое пройдзе ў красавіку ў Маскве. Абмеркаваны пытанні рэалізацыі плана шматузроўневых кансультацый і ўзаемадзеяння знешнепалітычных ведамстваў у 2025 годзе, а таксама шэраг пытанняў, якія прапанавана абмеркаваць на пасяджэнні СМЗС. Расійскі бок, у прыватнасці, ініцыяваў пытанне абмеркавання заявы з нагоды 65-годдзя першага палёту чалавека ў космас. Гэта тэма важная для ўсёй прасторы СНД», — расказаў Ігар Петрышэнка.

Разгледжаны таксама вынікі дзейнасці Каардынацыйнага савета генеральных пракурораў дзяржаў — удзельніц СНД. «Па рашэнні Савета кіраўнікоў дзяржаў СНД 2016 года дэлегаваны паўнамоцтвы Савету пастаянных паўнамоцных прадстаўнікоў Камісіі па эканамічных пытаннях заслухоўваць інфармацыю аб галіновых органах. Гэта орган (Каардынацыйны савет генеральных пракурораў дзяржаў — удзельніц СНД. — Заўв. БелТА) мае статус міждзяржаўнага органа — на яго кіраўнікамі дзяржаў ускладзена каардынацыя работы ўсіх галіновых структур, якія займаюцца барацьбой са злачыннасцю, — дадаў першы намеснік генеральнага сакратара СНД. — Традыцыйна па выніках пяцігадовай работы мы заслухалі інфармацыю. Былі прыведзены вельмі цікавыя прыклады і намечаны канкрэтныя напрамкі ўзаемадзеяння, у тым ліку па рэалізацыі адпаведных міжнародных дагавораў аб прававой дапамозе, якія знаходзяцца ў сферы, падведамнай Генеральным пракуратурам. І тут яны, вядома, задаюць тэмп нашаму ўзаемадзеянню з пункту гледжання таго, каб прастора СНД была свабодна ад арганізаванай, транснацыянальнай, любой іншай злачыннасці. Таму што толькі разам мы зможам сапраўды перамагчы гэта зло, якое перашкаджае нармальна развівацца эканомікам і, вядома ж, нармальна жыць нашым людзям».

«Мы разгледзелі тры пытанні, звязаныя з эканамічнай тэматыкай дзейнасці ў рамках СНД. Гэта рэалізацыя ініцыятыў, выказаных кіраўнікамі дзяржаў, кіраўнікамі ўрадаў, міністрамі замежных спраў, членамі Эканамічнага савета ў плане эканамічнай інтэграцыі. Была заслухана інфармацыя аб тым, як ідзе рэалізацыя дарожнай карты па ўсіх існуючых напрамках у рамках СНД. У першую чаргу гэта і выкананне пунктаў плана стратэгіі другога этапу стратэгіі эканамічнага развіцця да 2030 года, якая была зацверджана ў мінулым годзе на саміце Савета кіраўнікоў урадаў у Мінску, гэта і пытанні кааперацыйнага, міжрэгіянальнага, прыгранічнага супрацоўніцтва, а таксама звязаныя з энергетыкай, з транспартным складнікам, лічбавізацыяй», — сказаў Ігар Петрышэнка.

Абмеркавалі ўдзельнікі пасяджэння і работу галіновых органаў у сферы эканамічнага ўзаемадзеяння. «Іх у нас усяго 37, і яны працуюць дакладна па сваіх графіках, планах, ажыццяўляюць напрацоўку. Так, каля 17 галіновых органаў непасрэдна ўдзельнічалі ў адпрацоўцы праектаў дакументаў, якія ў далейшым былі зацверджаны кіраўнікамі ўрадаў, гэта датычыцца пагаднення ў сферы цяжкага машынабудавання, канцэпцыі ўзаемадзеяння ў лёгкай прамысловасці. Абмеркавалі пытанні, якія датычацца транспартных калідораў, міждзяржаўных ваставак — як мы павінны ажыццяўляць гэту работу», — падкрэсліў першы намеснік генеральнага сакратара СНД.

«Мы таксама разгледзелі пытанне, звязанае з рэалізацыяй трохгадовага плана ўзаемадзеяння Выканаўчага камітэта СНД з Еўразійскай эканамічнай камісіяй. За гэты час удалося рэалізаваць вялікую колькасць мерапрыемстваў, у якіх мы ўдзельнічалі, узаемна дапаўняючы адзін аднаго і каардынуючы работу, у тым ліку па ўдасканаленні нарматыўна-прававой базы, адпрацоўцы і ўзаемадзеянні галіновых органаў па тых кампетэнцыях, якія перасякаюцца ў сферы СНД і ў сферы Еўразійскага Эканамічнага Саюза. Плануецца ў гэтым годзе падпісаць план узаемадзеяння на 2026-2030 гады — так мы прадоўжым эфектыўнае супрацоўніцтва па ўсіх напрамках: прамысловасць, сельская гаспадарка, тэхнічнае рэгуляванне, пытанні, звязаныя з транспартнымі калідорамі, пытанні лічбавізацыі, мытнага афармлення», — рэзюмаваў Ігар Петрышэнка.