Маленькі пасёлак Айхэ, таксама вядомы як міжнародная трохкаляровая керамічная вёска, знаходзіцца ў павеце Лонін горада Лаян, прыкладна ў 120 км ад гарадской зоны, перадае «Жэньмінь жыбаа» анлайн». 

Пасёлак быў створаны ў 2015 годзе міжнародным дзеячам керамічнага мастацтва Го Айхэ. Плошча вёскі складае каля 200 га, гэтае месца спалучае ў сабе мастацтва трохкаляровай керамікі (саньцай) і прыроду.

Пасёлак Айхэ захоўвае арыгінальны вясковы стыль, тут пераўтвораны традыцыйныя гліняныя дамы і пячорнае жыллё. Прастора запоўнена арт-устаноўкамі, якія складаюцца з больш за 6000 вялікіх гліняных збаноў.

З 2015 года тут прайшло дзевяць выставак кітайскага мастацтва пад назвай «Сёння». Усе сабраныя сродкі ідуць на эстэтычнае выхаванне дзяцей у горных сельскіх раёнах. «Праграмы мастацкай адукацыі» былі ўведзены ў 86 пачатковых і сярэдніх школах павета, у іх прынялі ўдзел больш за 70 тысяч школьнікаў.