Усё пачалося з тэлефоннага званка ад невядомага, які прадставіўся супрацоўнікам службы па замене дамафонаў. Магіляўчанін назваў код, які прыйшоў яму, і неўзабаве на ягоны тэлефон пачалі паступаць званкі з іншых нумароў у месенджарах з паведамленнем, што на ягонае імя аформлены крэдыт, для выплаты якога неабходна ўзяць яшчэ адзін крэдыт.

Паддаўшыся ўгаворам, малады чалавек адправіўся ў банк і аформіў пазыку. Аднак, вярнуўшыся дадому І абдумаўшы сітуацыю, ён засумняваўся ў правільнасці сваіх дзеянняў і звярнуўся ў міліцыю.

Пацярпелы распказаў, што ў момант званка ён не звярнуў увагі на нумар, з якога яму тэлефанавалі. Як толькі назваўся код, западозрыў нядобрае. Аднак амаль адразу ж з ім звязаліся нібыта прадстаўнікі дзяржарганізацыі — яму паведамілі, што ягоныя звесткі былі скрадзеныя. Потым у гэтай гісторыі з’явіліся псеўдасупрацоўнікі КДК — яны і пераканалі яго ўзяць крэдыт. 

Своечасовы зварот у міліцыю дапамог не дапусціць страты грошай і спыніць злачынную схему.