Ападкі, ноччу да 20 градусаў марозу чакаецца 26 студзеня ў Беларусі, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У найбліжэйшыя суткі ў краіне будзе воблачна, ноччу з праясненнямі. На большай частцы тэрыторыі пройдуць ападкі (снег, мокры снег, раніцай і днём з дажджом). Ноччу месцамі, раніцай і днём у многіх раёнах прагназуецца галалёд, на дарогах галалёдзіца. Месцамі чакаецца слабы туман. Вецер будзе паўднёва-ўсходні ўмераны, месцамі парывісты.
Тэмпература паветра ўначы складзе ад мінус 5 градусаў па паўднёвым захадзе да мінус 20 градусаў па паўночным усходзе, днём — ад 1 да 7 градусаў ніжэй за нуль, па поўдні і захадзе — ад 0 да плюс 2 градусаў.
Аб’яўлены аранжавы ўзровень небяспекі з-за неспрыяльных гідраметэаралагічных з’яў.
