Прэзідэнт Беларусі Аляксандр Лукашэнка павіншаваў першага Прэзідэнта Казахстана Нурсултана Назарбаева з юбілеем, падкрэсліўшы яго неацэнны ўклад у станаўленне дзяржаўнасці і фарміраванне сацыяльна-эканамічнага фундамента Казахстана, а таксама ў прасоўванне інтэграцыйных працэсаў і ўмацаванне бяспекі на еўразійскай прасторы. Аб гэтым БелТА паведамілі ў прэс-службе Прэзідэнта.
«З вялікай цеплынёй успамінаю нашы сустрэчы і выказваю ўдзячнасць за Вашы намаганні па ўмацаванню дружалюбных сувязей паміж брацкімі народамі Беларусі і Казахстана», — адзначыў беларускі лідар.
Кіраўнік дзяржавы выказаў упэўненасць, што курс Мінска і Астаны на паглыбленне саюзніцтва і стратэгічнага партнёрства захавае сваю станоўчую дынаміку, а яго вынікамі стануць новыя важкія дасягненні як у двухбаковым супрацоўніцтве, так і ў рамках міжнародных арганізацый.
Аляксандр Лукашэнка пажадаў Нурсултану Назарбаеву здароўя і даўгалецця, поспехаў і дабрабыту ва ўсіх сферах жыцця: «Няхай Вашы мудрасць і вопыт прадаўжаюць натхняць навакольных».
