Зацверджана інструкцыя аб парадку арганізацыі і правядзення фестывалю. Яго мэтамі вызначаны адраджэнне, развіццё, папулярызацыя лепшых традыцый і дасягненняў нацыянальнай, сусветнай культуры і мастацтва, паказ дасягненняў у галіне народнай творчасці, павышэнне прафесійнага майстэрства ўдзельнікаў фестывалю і папулярызацыя розных відаў мастацтва, узбагачэнне рэпертуару творчых калектываў творамі народнай творчасці, лепшымі ўзорамі музычнай, песеннай і танцавальнай культуры розных краін і народаў, арганізацыя культурнага вольнага часу і эстэтычнага выхавання насельніцтва, развіццё і ўмацаванне культурных сувязяў, абмен духоўнай і культурнай спадчынай.

Арганізатарамі фестывалю з’яўляюцца Бабруйскі гарадскі выканаўчы камітэт, Магілёўскі аблвыканкам і Міністэрства культуры Беларусі. «Вянок дружбы» праводзіцца адзін раз на два гады ў горадзе Бабруйску. Рашэнне аб правядзенні фестывалю прымае гарвыканкам па ўзгадненні з Міністэрствам культуры і Магілёўскім абласным выканаўчым камітэтам.

Міжнародны фестываль народнай творчасці «Вянок дружбы» — адна з візітных картак Бабруйска і галоўны культурны брэнд усяго Бабруйскага раёна.