Старт работам быў дадзены ў Валожынскім раёне. Лабаранты і аграномы ўжо выязджаюць у палі для ацэнкі ўтрымання лубу. Масавая ўборка пачынаецца, калі гэты паказчык дасягае 30%. 

«Лён — культура, з аднаго боку, капрызная, з другога — стратэгічна важная, таму падыход патрабуецца максімальна адказны. Лён моцна залежыць ад умоў надвор’я, і наша задача — максімальна эфектыўна выкарыстоўваць кожны пагодлівы дзень», — адзначыў генеральны дырэктар ААТ «Мінскабллён» Віктар Гейдэль.

Сёлета аграрыі разлічваюць атрымаць ураджайнасць лёну 40 ц/га.Такому выніку ў тым ліку паспрыяла снежная зіма.