У полі каля Жлобіна пры пажары знішчана 14 т саломы. Пра гэта паведамілі БелТА ў Гомельскім абласным упраўленні МНС.
Сігнал аб пажары сцірты саломы памерам 4×7 м паступіў 23 жніўня ў 19.26. Агонь знішчыў 14 т саломы ў рулонах. Пацярпелых няма. Прычыну здарэння высвятляюць.
У Рэчыцкім раёне ў в. Ямполь гарэў склад саломы. Пашкоджаны дах склада. Як версію прычыны здарэння разглядаюць неасцярожнае абыходжанне з агнём.
