Міліцыянеры высветлілі, што ашуканцы адправілі на электронную пошту арганізацыі ліст, які змяшчае заражанае праграмнае забеспячэнне. Пасланне неабдумана адкрыў хтосьці з работнікаў. Такім чынам, вірус распаўсюдзіўся на іншыя рабочыя камп'ютары. Зламыснікі атрымалі доступ да сервераў прадпрыемства і зашыфравалі звесткі, якія ёсць на персанальных камп'ютарах. Неўзабаве на маніторы кіраўнік убачыў пасланне, у якім кібермахляры прапаноўвалі перайсці для зносін у месенджар. Там аферысты прапанавалі разблакіраваць тэхніку і вярнуць доступ да даных пасля пераводу на іх рахунак больш за Br50 тыс. Аб тым, што адбылося, супрацоўнікі фірмы неадкладна паведамілі ў праваахоўныя органы.

Распачатая крымінальная справа па ч. 3 арт. 208 КК. Вартавыя парадку ўстанаўліваюць датычных да гэтых злачынстваў.

«Ніколі не паведамляйце невядомым свае асабістыя даныя і канфідэнцыйную інфармацыю, не адкрывайце падазроныя электронныя лісты і не пераходзьце па невядомых спасылках. Заўсёды выконвайце меры лічбавай гігіены, будзьце пільныя ў дачыненні да перадачы і прадастаўлення любых даных. Не перадавайце і не адпраўляйце па пошце ці ў месенджарах звесткі з дакументаў, а таксама іх сканы і фатаграфіі сумніўным і неправераным сэрвісам, крамам, арганізацыям, незнаёмым людзям. Калі вы трапілі ў падобную сітуацыю, ні ў якім разе не пераводзьце сродкі ашуканцам, а неадкладна звярніцеся з заявай у міліцыю», — падкрэслілі праваахоўнікі.