Маштабная кампанія праводзіцца ў мэтах павышэння азелянення тэрыторыі краіны, стварэння камфортных і спрыяльных умоў пражывання насельніцтва, уключэння ў гаспадарчы абарот зямель, што рэкультывуюцца. Падчас правядзення гэтай ініцыятывы будуць высаджаны дрэвы і кусты ў населеных пунктах, на тэрыторыі ляснога фонду і рэкультываваных землях.

Цэнтральным месцам правядзення акцыі стане Лагойскае лясніцтва Лагойскага лясгаса. Тут будуць высаджаны дубы, елкі і сосны на плошчы 2,2 га.

Мінпрыроды запрашае беларусаў далучыцца да маштабнай кампаніі па азеляненні. «Далучайцеся да розных акцый, такіх як „Сад надзеі“, „Пасадзіце дрэва“, „Дайце лесу новае жыццё!“, „Зялёны двор разам“. Толькі агульнымі намаганнямі мы зможам захаваць прыродныя багацці ў першапачатковым выглядзе», — падкрэслілі ў прэс-службе.