Як расказалі ў ведамстве, паводле звестак следства, інцыдэнт адбыўся ўвечары 12 верасня. 57-гадовы жыхар Іўеўскага раёна рамантаваў муфты бульбаўборачнага камбайна, які быў злучаны карданным валам з трактарам. Падчас работы адзенне мужчыны наматала на вал. У выніку чаго ён атрымаў смяротныя траўмы.

На месцы здарэння працавала следча-аператыўная група. Устаноўлена, што карданны вал не быў абсталяваны абаронным кажухом.

Усе абставіны здарэння будуць устаноўлены Іўеўскім райаддзелам СК падчас праверкі. Асаблівую ўвагу следчыя нададуць прычынам і ўмовам, якія садзейнічалі трагедыі.