Эксперт адзначыў, што не ўсе да канца разумеюць, у чым сутнасць стратэгіі нацыянальнай бяспекі ЗША. Гэты дакумент пачалі прымаць з 1986 года, і тады гаварылася, што кожная адміністрацыя павінна рыхтаваць яго ў выглядзе справаздачы для Кангрэса. «Гэты дакумент з’яўляецца абавязковым для ўсіх. І ён вызначае знешнюю і ваенную палітыку — так яны гэта паспяхова падзялілі. Гэта рамачны дакумент, які вызначае мэтавыя ўстаноўкі. А ўжо па гэтых устаноўках будуць карэктавацца дакументы», — растлумачыў Андрэй Багадзель.

Услед за гэтым будуць «разжоўваць» задачы, канкрэтныя мерапрыемствы і вызначацца ведамствы, адказныя за выкананне тых ці іншых задач.

«Найбліжэйшым часам павінна з’явіцца стратэгія нацыянальнай абароны, якую павінны распрацаваць у Міністэрстве абароны або Міністэрстве вайны, — сказаў эксперт. — Далей будзе нацыянальная ваенная стратэгія. Акрамя гэтай стратэгіі з’явіцца яшчэ, хутчэй за ўсё, агляд ядзернай палітыкі, дзе мы дакладна ўбачым, куды ўсё ж такі ідзе адміністрацыя Трампа ў пытаннях стратэгічных ядзерных сіл. Далей — дакумент па вайне ў космасе, у кіберпрасторы, супрацьракетнай абароне. Усе стратэгіі, якія, калі не раскрыюць карты, то дадуць нам дакладнае ўяўленне, куды насамрэч ідуць ЗША і, што самае галоўнае, Паўночнаатлантычны альянс. Калі дакументы Паўночнаатлантычнага альянсу або нацыянальных сіл не адпавядаюць дакументам, прынятым ЗША, то за аснову бяруцца амерыканскія дакументы. А там, хутчэй за ўсё, будуць перапрацоўвацца тэарэтычныя даведачныя выданні. Гэта баявыя дакументы ўжо для прымянення аб’яднанняў і злучэнняў. Гэта значыць наперадзе будзе вельмі карпатлівая праца, якая канцэптуальна памяняе фарміраванне архітэктуры сусветнай бяспекі. Хочам мы ці не, але сёння ў свеце, на жаль, гегемон адзін — гэта ЗША. І яны, па сутнасці сваёй, ахапілі ўсе рэгіёны, за выключэннем, напэўна, Антарктыды».

«І нават нягледзячы на тое, што сусветнае лідарства ЗША ўжо падвяргаецца сумневу і гегемон ужо не той, але амбіцыі ў яго ранейшыя», — адзначыў Андрэй Багадзель.